فن المذاكره

موضوع: فن المذاكره الأربعاء سبتمبر 19, 2007 2:32 am

بسم الله الرحمن الرحيم

king

اولا احب اعرفكم ان المذاكرة مش بس مدة زمنية بتقضيها ادام الكتاب لا المذاكرة دى فن يعنى ممكن مثلا يكون فى واحد او واحدة ذكية لكن مش بتعرف تذاكر, علشان كدة هحاول اعرفكم ازاى تذاكر باقل وقت واعلى تحصيل.

اولا:

لازم تخلص النية لله ان المذاكرة دى خالصة لخدمة الناس والمسلمين ومش بس هتخد ثواب لا وكمان ده هيديك دافع مستمر لا ينتهى لو ان الملل كاد ان يتسرب ليك. وانت هتعمل كدة كمان لان نسبة التوفيق كبيرة جدا فى الكلية يعنى ممكن تلاقى واحد عادى وبيجيب امتياز فاحرص على ان تدعو الله التوفيق.

ثانيا:

انت قعدت وقلت هذاكر لازم هنا تختار مكان مناسب يكون هادى واضائته كويسة ولا ترتبط نفسيا بمكان معين لان ده ممكن يخليك مش عارف تذاكر غير فى المكان ده.

ثالثا:

تحط خطة يعنى هتقول انا هذاكر كذا وكذا وادامى مثلا ساعتين يبقى اذاكر دى لمدة ساعة مثلا واريح خمسة وادخل على المادة التانية.
والخطة دى ممكن تديها مدة خمس دقايق او اكتر لانها مرحلة مهمة جدا.
وانصحك انك فى كل جزء من السنة يكون ليك خطة
بمعنى فى الاول تبدا هادى علشان متملش وبعدين تزود المدة شوية بشوية.
وفى الاول يستحسن تذاكر مواد كتيرة فى نفس اليوم وفى الاخر يستحسن تذاكر مادتين مثلا فى اليوم عشان تعرف تلم المادة على بعضها.
والمادة الكبيرة زودها فى الوقت وذاكرها كل يوم والمادة الصغيرة ممكن تقلبها فى يومين فى الاسبوع وخلاص.

رابعا:

الخطة داخل كل مادة يعنى مثلا الباطنه اعملها خطة ازاى؟ اولا ابص فى مذكرة الامتحانات واشوف الاسئلة اللى جت واعلم على العناوين فى الكتاب اللى بذاكر منه علشان كل مااقرا الموضوع اعرف انه جه مثلا تلات مرات كل مرة بصيغة ولما يجى بالشكل الفلانى يبقى ازود علية حتة معينة وهكذا.
وكل محاضرة فائدتها العظمى ان هى بتعملك حفر فى مخك تقولك مثلا الحتة دى مهمة والحتة دى صعبة ودى مش بتيجى كتير وهكذا ودى اكبر فائدة للمحاضرات يمكن اكتر من الفهم نفسه لان الذاكرة دى مش بتحفظ وخلاص لا دى عايزة تصنعلها فراغ علشان تحشى فيه وده اللى بتعمله المحاضرة او الشرايط المهم تدخل المعلومة باكتر من شكل ممكن كمان كتاب اضافى .

خامسا:
طريق المذاكرة
يعنى انا ادامى كام صفحة وعايز اذاكرهم
فى البداية احب اقسم المذاكرة لنوعين :
الاول
وهو تظبيط الموضوع بمعنى لو عندك مصدر تانى بتفتح الاتنين مع بعض ولو انت حضرت المحاضرة بتعلم على الكلام اللى انت سمعته ولو بتسمع شرايط بتعلم عاى الكلمات المهمة
وعن نفسى الخطوة دى بعلم فيها على الكلمات المهمة يعنى بحس ان السطر كله بيصب فى الكلمة دى وهكذا وبعد ما اخلصها الاقى الصفح رسيت على كام كلمة هما الخلاصة وبعين بالون العنوان الرئيسى بلون والعناوين الفرعية بلون ومواضيع الامتحانات بلون
وطريق الالوان دى مفيدة جدا فى المراجعة لانها بتساعدك على انك تفتكر بصورة كبيرة
لكن ارجو عدم الافراط فى التلوين
والثانى:
وهو استرجاع الجزء الذى ذاكرته وتحشره فى مخك والخطو دى عايزة تركيز عكس الخطوة الاولى
يبقى انت لو مش مركز هتبدا تمسك جزء جديد وتخططه ولما تبقى مركز تبدا مرحلة حشر المعلومة.
سادسا:
انت دلوقتى خططت فى الكتاب على الكلمات المهمة وذاكرتها وفهمتها عايز بقىتحفظ؟
خدوا منى الطريقة دى حاول تكون علاقة بين الكلمات وبعضها حتى لو مفيش علاقة مثلا عن طريق قصة:
يعنى مثلا:
( بنت قلم شجرة كمبيوتر كتاب موبايل احمر اسود دكتور بالطو)
حاول انك تعمل قصة فى خيالك وبالترتيب بحيث انك لما تشوف الكلمات دى تفتكر القصة مثلا:
تخيل ان البنت بترسم بالقلم شجرة والشجرة بتطرح كمبيوترات وكل كمبيوتر فيه صوره كتاب فيه موبايل احمر فى اسود ماسكه دكتور لابس بالطو ابيض.
هتلاقيك حفظت كلمات ليس لها علاقة ببعض الا القصة اللى فى خيالك.
وممكن تكون القصة متحركة يعنى مثلا تخيل القلب شقتين فوق بعض كل شقة حجرتين يمين وشمال معزولين عن بعض تماما
وبين كل حجرة والحجرة اللى فوقها باب يعدى الماء من فوق لتحت بس وفى الحجرتين اللى تحت مضختين موصلين على ماسورتين كبار(الاورطى والشريان الرئوى) الماسورة الكبيرة(الاورطى) بتروح تغزى العمارة كلها( الجسم) وبعدين اللى راجع من العمارة يروح الحجرة اللى فوق يمين وبعدين ينزلمن الباب (الصمام)ويروح للحجرة اللى تحت يمين ومنه للماسورة التانية بتروح على وحدة الفلترة(الرئة) ويرجع منها الماء على الحجرة اللى فوق شمال ( الاوردة الرئوية) وبعدين ينزل للحجرة اللى تحت شمال ويروح للمسورة الكبيرة تانى.

وممكن تكون طريقة الحفظ باول حرف من كل كلمة وتكون حاجة تحفظها مثال اعراض الnephritic syndrome
HOHO
hypertention haematuria oligurua oedema
وممكن يكون الحفظ بطريقة انك بتذاكر موضوعين مع بعض وبتحاول تقرب بين العناوين اللى فى النص مثلا:
side effects of cortisone and asprin

bleeding nd peptic ulcer in both
two things in the for of letters:
decrese pH and gl. in asprin
increase ICT and TB in cortisone
one thing especial:
salicylism in asprin and withdrawal symptoms in cortisone in addition to ****bolic effect

وأتمنى لكم التوفيق

المساهمات : 1 تاريخ التسجيل : 11/09/2007

السلام عليكم
الموضوع حلو جدا

جزاكم الله خيرا

شكرا على قراءه الموضوع
وشكرا على الرد
وأرجو المشاركه
وورينا همتك معانا